ابليــــس يصـــف الوضـــع والحالـــة في البلاد
كان إبليس في غرفته , يلملم ملابسه في حقيبة إلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول , وبجوارها
تقبع تذكرة سفر إلى جزر برمودا الديمقراطية ..
كانت ملامح وجهه في تلك اللحظات تنطق بالحزن, والكآبة , والإحباط ,
واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل
إبليس راحلٌ عن بلادنا إلى غير رجعة...
وين يامسهّل ؟؟ ليش بتجمّع أغراضك !!
يارجال مالي قعدة عندكم, صارلي سنين عاطل عن العمل
وقرّبت موت من الجوع .. أقول معك سيجارة بس ؟
ما رح أترك فيكم لا وسواس ولا خنّاس !
كنت من زمان وسوس للوحدة تترك زوجها
هلق صاروا لحالهم.. وياريت هيك بس؟؟؟؟
كنت وسوس للواحد ينسى يسمّي بالله قبل ما ياكل,
هلق الواحد ما عم يلاقي شي ياكله ! يا رجال ..
إذا أنا إبليس ... تسمّمت بالشاورما !!
كنت أوسوس للشاب إنه يزتلو كلمة للبنت وهي ماشية بالشارع,
صاروا البنات بعاكسوا الشباب بكلام أنا بستحي أقوله !!
واحد بسرق 100 مليون عيني عينك .. بيسجنو 3 سنين بفيلاّ عالبحر ,
وإثنين بدوروا على رزقة بالزبالة بمسكوهم الشرطة !!
إنتوا بدكم إبليس إنتوا ؟؟؟؟
صار عندكم فائض بالفساد يكفّي 30 سنة لقدّام ,
صرت بخاف على حالي منكم يا رجال !!
صرت مرّات بوسوس بالمقلوب .. أقول للمسؤول إرحم
وللحرامي يكفّي .. خلّي شويّ للحراميّة اللي جايين بعدك ..
يعني إذا إنتو لحالكم ما شاء الله تساوا كل هالبلاوي,
أنا إبليس شو بدي ساوي ؟ شو بدي اشتغل ؟
اشتغل شيخ
يعني والله شهيتوني التوبة ؟؟؟؟
الخميس أغسطس 04, 2011 12:06 am
